Sulmuesi Vedat Muriqi është inkuadruar në minutën e 88-të te Lazio që mposhti Milanin me rezultat të thellë, 3:0.
Ndeshja Lazio – Milan u zhvillua të hënën dhe i takoi javës së 33-të të kampionatit italian, Serie A. Muriqi zëvendësoi sulmuesin Ciro Immobile, që në minutën e 87-të shënoi golin e tretë. Dy golat e parë i shënoi Joaquin Correa.
Fillimisht golin e parë e shënoi në minutën e 2-të me asistim të Immobiles, ndërsa të dytin e shënoi në minutën e 51-të për rezultatin 2:0.
Lazio me këtë fitore është forcuar në vendin e gjashtë me 61 pikë, ndërsa Milani bie në vendin e pestë me 66 pikë, sa kanë edhe Juventusi dhe Napoli.
