Suad Sahiti është duke shkëlqyer në kampionatin maqedonas, me ekipin e tij Rabotnicki duke qenë një ndër lojtarët më të mirë te skuadra e tij.
Së fundi, 22-vjeçari shënoi dy gola në fitoren ndaj Bregalnicës.
Formën e mirë në të cilën është duke kaluar Sahiti, shpreson ta vazhdojë deri në fund të kampionatit.
Paraqitjet e mira bën që futbollisti prishtinas, gjatë afatit kalimtar të janarit të kishte disa oferta nga klubet të njohura evropiane.
Ish-futbollisti i disa skuadrave kosovare tashmë ka vendosur të përfaqësojë Maqedoninë, duke treguar arsyet e këtij vendimi, për KTV-në.
Këtë edicion, sulmuesi në 20 paraqitje ka regjistruar 7 gola dhe 3 asistime. Sahiti, në muajin shkurt shkroi emrin edhe në historinë e ligës elite të Maqedonisë duke realizuar golin më të shpejt në histori, për vetëm 23 sekonda.
