Dy trajnerë dhe dhjetë garues të notit të sinkronizuar, të martën, kanë arritur në Romë të Italisë.
Sportistët, të moshës nga 14 deri në 20 vjeç, u larguan nga qendra e tyre e trajnimit në Karchiev dhe u nisën fundjavën e kaluar në një udhëtim drejt Italisë.
Pas grumbullimit në Lviv, ata u takuan me zyrtarët e Federatës Italiane të Notit në kufirin mes Ukrainës dhe Hungarisë. Ata i ndihmuan të largoheshin nga vendi i tyre i shkatërruar nga lufta.
Notarët do të vazhdojnë të stërviten për Kampionatin e ardhshëm Evropian të notit që mbahet në muajin gusht në Romë.
Sportistët mbërritën në Romë pa familjet e tyre, të cilat janë ende në Ukrainë dhe nuk janë të gatshëm, për momentin, të largohen nga vendi.
Disa anëtarë të ekipit, tre trajnerë dhe katër garues, përfshirë fituesen e Medaljes së bronztë olimpike, Marta Fiedina, janë ende në Ukrainë.
Federata italiane po rregullon transferimin e tyre drejt Italisë dhe ata duhet t'i bashkohen pjesës tjetër të skuadrës në Romë brenda dy ditësh.