Neymari është i gatshëm të largohet nga Barcelona drejt Paris Saint-Germainit, në një marrëveshje prej 222 milionë eurosh.
Braziliani ka kontratë deri në vitin 2021 dhe Barcelona ka thënë se është 200 për qind e sigurt se Neymari do të qëndrojë në skuadër.
Megjithatë, sipas raportimeve të reja, Neymari nuk është i lumtur te Barça dhe beson se prezenca e Lionel Messit po ia pamundëson atij që të fitojë Topin e Artë.
“Goal” raporton se 25-vjeçari është i izoluar në zhveshtoren e katalonasve pasi nuk e ka asnjë mik të afërt në skuadër.
Babai i futbollistit pritet që këtë javë të takohet me klubin francez dhe të vendoset përfundimisht për të ardhmen e brazilianit.
