Napoli ka arritur ta rrëmbejë trofeun e parë këtë edicion, duke e mposhtur në finale të Kupës së Italisë, Juventusin.
Për 90 minuta asnjëra prej skuadrave nuk arriti të gjejë rrugën e golit, transmeton KOHA.
Përkundër që gjatë kësaj kohe Napoli ishte paksa më e mirë, dhe krijoi më tepër raste shënimi por nuk pati efikasitet.
Fituesi u përcaktua pas ekzekutimit të penaltive, aty ku Napoli u tregua më i mirë se “Zonja e Vjetër”.
Pak minuta në këtë takim pati edhe mbrojtësi shqiptar Elseid Hysaj, që u shpall kampion me Napolin.
