Kryeministri i Kosovës, Isa Mustafa, sot është takuar me kryetarin e Federatës së Futbollist të Kosovës, Fadil Vokrrit.
Mustafa përmes një postimi në Facebook thotë se Vokrrit i ka shprehur përkrahjen e qeverisë për futbollin, veçanërisht për kompletimin e infrastrukturës dhe ndërtimin e stadiumeve, të cilët janë bërë temë që disa muaj për shkak të vonesave dhe kritikave që ka marrë Kosova nga UEFA.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoThotë të kenë biseduar edhe për ndeshjen e së premtes, mes Kosovës e Islandës, që për shkak të mungesës së stadiumeve në Kosovë do të zhvillohet në Shkodër.
Ky është postimi i plotë i Mustafës:
Gjatë një takimi që pata sot me kryetarin e Federatës së Futbollit të Kosovës, Fadil Vokrri, ku ishte i pranishëm edhe ministri Kujtim Shala, theksova përkrahjen e Qeverisë për futbollin kosovar, veçmas në kompletimin e infrastrukturës dhe në ndërtimin e stadiumeve.
Shqyrtuam shumë aspekte ku, me përkushtim të përbashkët, mund të arrijmë rezultate konkrete.
Natyrisht, folëm edhe për përballjen e së premtes me Islandën në kuadër të kualifikimeve për Kupën e Botës 2018, që pritet me entuziazëm të madh nga "Dardanët" dhe të gjithë qytetarët e Kosovës.