Ismet Munishi më nuk është trajner i Ferizajt, skuadrës së Ligës së Parë të Kosovës në futboll.
Munishi ka shkruar të shtunën se ka dhënë dorëheqje "pasi ka kuptuar që nuk ka çka t'i jap më skuadrës".
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSynimi i tij ishte kthimi i Ferizajt në Superligë, por skuadra është larg zonës që synonte.
Së fundmi, Ferizaj u mposht 2:1 në udhëtim te Vjosa. Në nëntë ndeshje në Ligën e Parë, Ferizaj ka tubuar 14 pikë, shtatë më pak se pozita e parë dhe me një ndeshje më shumë. Renditet në pozitën e katërt.
Ferizaj është skuadra e nëntë që Munishi ka drejtuar në karrierën si trajner. Suksesin e vetëm ai e ka me Vushtrrinë, ku u shpall kampion në sezonin 2013/14. Më pas ka drejtuar skuadra si Drita, Vëllaznimi dy herë, Feronikeli, Besa Pejë, Ballkani, Gjilani e Prishtinë, por nuk ka lënë gjurmë.