Milani është duke përgatitur një ofertë për transferimin e sulmuesit të Torinos, Andrea Belotti.
Sipas Calciomercato, “kuqezinjtë” janë ende të interesuar për italianin që sivjet ka realizuar vetëm nëntë gola.
Belotti mahniti sezonin e kaluar kur realizoi 28 gola në 38 ndeshje në Serie A, duke joshur interesimin e shumë klubeve evropiane.
Chelsea dhe Real Madridi kanë monitoruar formën e tij, por mbetet e paqartë nëse do të bëjnë ofertë në momentin kur Milani do të përgatitet për transferimin e tij.
Për shërbimet e tij Torin ka kërkuar 100 milionë euro.
Artikuj të ngjashëm