Portieri belg Simon Mignolet pritet që të vazhdojë karrierën në Serie A, pasi skuadra e Napolit është pranë marrëveshjes me Liverpoolin.
Lajmi është bërë i ditur nga mediumet italiane.
Mignolet, 30-vjeçar, do të largohet nga Liverpooli për shkak se është zgjedhja e tretë pas brazilianit Alisson Becker e gjermanit Loris Karius.
Te Napoli kanë pranuar që pas huazimit njëvjeçar të blejnë kartonin e tij për pesë milionë euro.
Mignolet është pjesë e Liverpoolit prej vitit 2013, kur u transferua nga Sunderlandi për 10.5 milionë euro.
Edhe
Konate largohet si futbollist i lirë nga Liverpooli
Ai ka kontratë me Liverpoolin deri në vitin 2021 dhe ka 21 paraqitje me Përfaqësuesen e Belgjikës.
Interesim për Mignoletin gjatë kësaj vere ka treguar edhe Galatasaray.
