Ylli argjentinas, Lionel Messi sipas të gjitha gjasave do ta mbyll karrierën në MLS, kanë raportuar të dielën mediumet e huaja. Bëhet e ditur se pronari i ekipit amerikan Inter Miami, David Beckham po mundohet ta bind Messin që të transferohet në MLS në vitin 2023, kur edhe i skadon kontrata me Paris Saint-Germainin.
Messi këtë muaj iu bashkua PSG-së si lojtar i lirë pas largimit nga Barcelona dhe firmosi kontratë dyvjeçare me ekipin francez, me mundësi vazhdimi edhe për një vit tjetër. Ai ende nuk ka debutuar me PSG-në, gjë që pritet ta bëjë të dielën e ardhshme në ndeshjen e xhiros së katërt të Ligue 1, kundër Reimsit.
