Janë mbyllur pjesët e para të dy ndeshjeve të para të xhiros së 28-të të Superligës së Kosovës në futboll.
Gjilani pas 45 minutave është në epërsi ndaj Drenicës me rezultatin 2:0. Epërsinë e parë, Gjilani e krijoi pas autogolit që e shënoi futbollisti drenicas, Shkëlzen Lushtaku, pas harkimit të Agustin Torassas në minutën e 13-të. Pak minuta para fundit të pjesës së parë, Keita Razak shënoi gol të bukur për dyfishimin e rezultatit.
Në takimin tjetër ndërmjet Dukagjinit vendës dhe Ballkanit lider, nuk pati gola.
