Sulmuesi Kylian Mbappe pritet të gjobitet nga FIFA për shkak të injorimit të mediave në Kampionatin Botëror “Katari 2022”.
Pas ndeshjes me Danimarkën, Mbappe u shpall lojtari më i mirë i ndeshjes dhe pasi mori trofeun, ai u largua pa e dhënë asnjë deklaratë.
Kjo është hera e dytë që Mbappe nuk deklarohet, pasi sulmuesi nuk doli përpara mediave as para ndeshjes me Australinë. Megjithatë, mësohet se heshtja e Mbappes ka të bëjë me marrëveshjen mes sulmuesit dhe Federatës së Futbollit të Francës.
Federata do të paguajë gjobën e FIFA-s, ndërsa Mbappe do të vazhdojë të mbetet i heshtur.
Arsyeja për heshtjen e tij është se në momentin që Mbappe do të paraqitet para mediumeve, ai menjëherë do të pyetet për të ardhmen e tij. Kështu që, si federata nuk dëshiron që Mbappe ta humb fokusin që e ka në Botëror, ku ka shënuar tri gola në dy ndeshje.