Marvin Çuni është afër transferimit te klubi i elitës së futbollit të Italisë, Frosinone.
Sulmuesi 21-vjeçar vjen nga të rinjtë e Bayern Munichut, ndërsa në edicionin e kaluar ishte i huazuar te FC Saarbruecken.
“Sky Sport” i Gjermanisë shkruan se Çuni ka mbërritur të mërkurën në Romë për t’i kryer testet mjekësore.
Më pas, ai do të nënshkruajë kontratë trevjeçare, me skuadrën që sivjet e siguroi inkuadrimin në elitën e futbollit italian.
Në edicionin e kaluar, në rangun e tretë të futbollit gjerman, Çuni realizoi 13-të gola në 32 ndeshje.
Ai ka gjashtë paraqitje për U19 të Shqipërisë.
Artikuj të ngjashëm