Boksieri i njohur shqiptar, Luan Krasniqi, e ka quajtur spektakolare fitoren e bashkëvendasit të tij, Haxhiut, që të shtunën nokautoi gjermanin Dominic Boesel për titullin e përkohshëm të botës në versionin WBA, në kategorinë gjysmë të rëndë, dhe në versionin IBO.
“Urime Robin Krasniqit që u bë kampion bote. Fitore spektakolare. Jo shumë njerëz kanë besuar në të. Ai mund të jetë tejet krenar për këtë”, është shprehur Luan Krasniqi në Facebook.
Krasniqi fitoi të shtunën me nokaut në raundin e tretë.
Për të ishte hera e tretë që boksoi për titull bote në një nga katër versionet e mëdha të boksit profesionist (WBC, WBA, WBO e IBF). Dy herët e kaluara kishte pësuar humbje. Ai ka bilanc prej 51 fitore e gjashtë humbje në boksin profesionist.
Për tituj bote në të kaluarën boksuan edhe Luan Krasniqi, Shpend Abazi, Edis Tatli e Shefat Isufi, por nuk kishin arritur ta fitonin luftën vendimtare.
-
Luan Krasniqi: Haxhiu ishte më i mirë, meritoi fitoren
-
Krasniqi në formën më të mirë për rimeçin me Boeselin
-
Plani i Krasniqit: Të mbrojë titullin në qershor dhe të nisë gjahun për titujt në versionet tjera
-
Krasniqi: Sikur të mos fitoja do të ishte përfundimi i karrierës, ky është veç fillimi
-
Boesel nuk e mban mend goditjen nga Krasniqi