Futbollistët e klubeve elitare italiane nuk do të pranojnë rekomandimin e Serie A për reduktim të pagave.
Në një mbledhje të mbajtur të hënën, klubet e Serie A janë pajtuar të rekomandojnë reduktim të pagave për futbollistët, për të përballur krizën e krijuar nga koronavirusi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVetëm Juventusi, që tashmë ka arritur marrëveshje për t’ua ndalur lojtarëve katër paga mujore, ka abstenuar nga rekomandimi. Klubet kanë rekomanduar që lojtarëve t’iu ndalet një e treta e të hyrave vjetore nëse kampionati nuk vazhdon. Ndërkohë nëse kampionati vazhdon, propozimi është që lojtarëve t’iu ndalet një e gjashta e të hyrave vjetore, përkatësisht dy paga mujore.
Por Unioni i Lojtarëve Italianë (AIC) e ka vlerësuar rekomandimin e Serie A si të turpshëm dhe të papranueshëm.
“Është vendim i turpshëm dhe i papranueshëm”, ka thënë nënkryetari i AIC, Umberto Calagno.
“Është e qartë se klubet duan që vetëm lojtarët të paguajnë për dëmin e krijuar nga kriza. Pjesa e vetme relevante e komunikatës së ligës është ajo ku thuhet se ekipet duhet të negociojnë me lojtarët ndryshimet e kontratës”, ka shtuar Calagno.