Pas dorëheqjes së Ekrem Elshanit dhe anëtarëve të kryesisë, Feronikeli është bërë me kryetar dhe bord të ri.
Kryetari i Komunës së Drenasit, Ramiz Lladrovci, e ka emëruar në krye të klubit, Agim Kastratin, ndërkaq kryesia do të përbëhet nga Shemsi e Naser Rexhepi si dhe Mehdi Bucolli, raporton Gazeta Olle.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryetari i ri, Agim Kastrati e ka drejtuar “Niklin” para se të lirojë rrugën për Ekrem Elshanin i cili e kishte marr skuadrën nga Drenasi në gjendje aspak të mirë duke e ngritur në nivelin më të lartë në Kosovë.
Po ashtu, Kastrati qenë nënkryetar i Feronikelit kur skuadra u shpallë kampion për herë të parë në histori të klubit.
Ai pritet të ketë punë të vështirë, pasi shumica e futbollistëve kanë shprehur dëshirën që të largohen nga klubi.
Feronikeli u shpall dy herë kampion i Kosovës në tri vitet e fundit dhe arrit të fitojë dy herë Kupën e Kosovës dhe njëherë Superkupën.