Falë një paraqitjeje brilante të Denzel Dumfriesit, Holanda ka siguruar çerekfinalen e Kupës së Botës që po mbahet në Katar.
Dumfries ishte i jashtëzakonshëm të shtunën te Holanda, që arriti fitore 3:1 ndaj Shteteve të Bashkuara të Amerikës.
Dumfries asistoi në dy gola, ndërsa shënoi një tjetër vetë. Mbrojtësi i Interit asistoi për Memphis Depayn në minutën e 10-të, dhe për Daley Blindin në minutën e parë të kohës shtesë në pjesën e parë.
SHBA-ja ngushtoi epërsinë me zëvendësuesin Haji Wright në minutën e 76-të, por Dumfries shfrytëzoi për mrekulli asistimin e Blindit në minutën e 81-të, dhe vulosi rezultatin final të takimit dhe kualifikimin tutje të Holandës.
Holanda, çerekfinalistja e parë e Botërorit, do të luajë me fituesin e ndeshjes Argjentina – Australia.
Edhe
“Fluturuesi” holandez po mahnit me lojën në Botëror
Dumfries shënon për Holandën
Holanda nuk ka lejuar befasi për momentin. Ka shënuar edhe golin e tretë në minutën e 81-të nëpërmjet mbrojtësit Denzel Dumfries.
Daley Blind harkoi në zonë, ndërsa Dumfries i lirë, shënoi nga afërsia me të majtën për 3:1 ndaj SHBA-së.
Wright ngushton epërsinë
Haji Wright hyri si zëvendësues te SHBA-ja në minutën e 67-të, ndërsa realizoi për ngushtimin e epërsisë ndaj holandezëve, pak minuta më vonë.
SHBA-ja është duke humbur 2:1 aktualisht.
Wright para se të shënonte golin në minutën e 76-të, humbi mundësi të mirë i vetëm përballë portierit kundërshtar.
Holanda në pushim me dy gola epërsi ndaj SHBA-së
Holanda e ka mbyllur pjesën e parë me epërsi prej dy golave ndaj SHBA-së, në ndeshjen e parë të një të tetës së finales.
Memphis Depay shënoi në minutën e 10-të, ndërsa holandezët golin e dytë e shënuan në minutën e parë të kohës shtesë në pjesën e parë.
Edhe
Një “gol i parë” për të dyja skuadrat
Denzel Dumfries harkoi nga e djathta, ndërsa Blind me të parën shënoi për 2:0.
Para rezultatit 2:0, SHBA-ja rreshtoi disa raste shënimi, por ishte portieri holandez që nuk lejoi një gjë të tillë.
Holanda në epërsi
Holanda e ka nisur në mënyrën më të mirë ndeshjen ndaj SHBA-së.
Tulipanët kaluan në epërsi qysh në minutën e 10-të. Realizoi Memphis Depay pas asistimit të Denzel Dumfriesit.
Nis ndeshja Holanda – SHBA
Ka nisur ndeshja e parë e fazës së 1/8 të finales mes Holandës dhe Shteteve të Bashkuara të Amerikës.
Edhe
Dumfries: Holanda ka një ekip të fortë
Takimi po zhvillohet në stadiumin “Khalifa International”.
Fituesi i këtij takimi në çerekfinale takohet me fituesin e ndeshjes Argjentinë – Australi.
