Leicester City i ka shkaktuar Tottenhamit disfatë të thellë në kuadër të xhiros së 23-të të Premier Leagues angleze.
“Dhelprat” të shtunën fituan me rezultatin 4:1 në shtëpi, ndaj skuadrës që drejtohet nga Antonio Conte që kaloi e para në epërsi, me golin e Rodrigo Bentancurit në minutën e 14-të.
Nampalys Mendy në minutën e 23-të dhe James Maddison pas dy minutash, shënuan dy gola të shpejtë për epërsinë e parë në ndeshje.
Kelechi Iheanacho në minutën e katërt të shtesës së pjesës së parë realizoi edhe një gol tjetër për 3:1.
Nëntë minuta para fundit të takimit, mesfushori Harvey Barnes vulosi rezultatin përfundimtar, 4:1.
Leicesteri i largohet zonës së rrezikshme pasi ka marrë 24 pikë dhe pozicionohet në vendin e 13-të. Tottenhami në ndjekje të zonës së “Championsit” tani ka 39 pikë. Zë vendin e pestë.
