Janë dy kosovarë që kanë lënë gjurmët më të mëdha në futbollin kroat prej pavarësimit e deri më sot. Njëri është Ardian Kozniku, i cili ka shënuar gola për Hajdukun e Dinamon, dhe ka qenë pjesë e gjeneratës së artë të Kroacisë, shkruan Sportske Novosti.
I dyti është Kujtim Shala. Edhe sot është idhull i tifozëve të Dinamos prej viteve të 80-ta, adhurues i madh i këtij ekipi, dhe që ka një paraqitje për Kroacinë, atëherë kur ishte më së vështiri, në ndeshjen historike kundër SHBA-së. Sikur të kishte Dinamo zemrën e Shalës në Elbasan, kushedi, ndoshta Skënderbeu do të gjunjëzohej, transmeton Koha Ditore.
"Nuk po mund të besoj që Dinamo të eliminohet nga Skënderbeu. Jam i dëshpëruar! Dinamo mund të eliminohet nga Porto e Ajaxi, ekipe të kësaj klase, por nga Skenderbeu. Ndoshta... Por, nuk do të flasim tash për Dinamon, shkojmë në tema më të mira".
- E kemi kontaktuar në Gjermani ku jeton edhe sot, futbollin e përcjell çdo ditë, kurse arsyeja e bisedës ishte ftesa që e ka pranuar nga Kroacia.
"Kam qenë shumë i lumtur kur më thirri Zorislav Srebriq dhe më ftoi që të jem i veçantë, mysafir nderi i Federatës së Futbollit të Kroacisë dhe presidentit Shuker në ndeshjen mes Kroacisë dhe Kosovës. Natyrisht se do të vijë, çfarë pyetjeje! Kam qenë i inatosur dhe hidhëruar që në ndeshjen e parë në Shkodër nuk më ftoj askush, as nga Federata e Futbollit të Kosovës e as nga ajo e Kroacisë, për këtë arsye tash e kam zemrën të mbushur. (Intervistën e Shalës më gjerësisht mund ta lexoni sot në Koha Ditore).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.