Hedhja për Ippon e realizuar nga xhudistja Laura Fazliu në Grand Slamin në Tbilisi është vlerësuar nga Federata Ndërkombëtare e Xhudos si njëra prej më të mirave në garën e mbajtur javën e kaluar. IJF-ja të enjten ka paraqitur aksionet më të bukura të garës në Tbilisi.
Dhe ashtu si pritej, aksioni i Laurës është përfshirë. Në gjysmëfinale të kategorisë deri 63 kilogramë, Laura kishte mposhtur me hedhje mjeshtërore garuesen e Australisë, Katharia Haecker. Laura kishte siguruar fitoren për vetëm 27 sekonda.
Të premten fillon gara e ardhshme e xhudos, Grand Slami në Antalya. Laura dhe xhudistet tjera nuk do të paraqiten në Turqi. Do të garojnë Akil Gjakova e Dardan Cena.
Në Tbilisi të Gjeorgjisë, Laura kishte fituar medaljen e argjendtë, njëjtë si Nora Gjakova e Distria Krasniqi.
