Mbrojtësi i Shqipërisë, Marash Kumbulla, ka folur për marrëdhënien me trajnerin e Romës, Jose Mourinhon.
Kumbulla beson se puna me trajnerin portugez do t’i ndihmojë që të përmirësohet edhe më shumë në lojën e tij.
“Për një lojtar të ri është një mundësi e shkëlqyer të punojë me të, po mësojë shumë sidomos në temperament. Ndihem mirë, pasi vlerësoj njerëzit e sinqertë si trajneri dhe është një nder për mua të punoj me të”, deklaroi Kumbulla.
21-vjeçari këtë sezon ka luajtur 15 ndeshje në të gjitha garat ku ka shënuar një gol.
