Jules Kounde është një ndër lojtarët më të kërkuar. Mbrojtësi i Sevillas pritet të largohet në fund të këtij edicionin pas interesimit të shumë skuadrave të njohura evropiane.
E përditshmja spanjolle “AS” ka bërë të ditur të premten se në garë për Kounden ka hyrë edhe Real Madridi.
Klubi madrilen po e sheh lojtarin si zëvendësues të Sergio Ramosit që nuk ka vendosur ende për të ardhmen e tij.
Për Kounden interesim të vazhdueshëm kanë shprehur edhe Manchester Unitedi dhe Chelsea.
Sevilla për ta liruar lojtarin po kërkon mbi 50 milionë euro dëmshpërblim.
