Rezultatet katastrofike në fushatën eliminatore për Botërorin 2018, por mbi të gjitha pakënaqësitë e disa futbollistëve kryesorë në përfaqësuesen e Kosovës, e kanë detyruar FFK-në që të kërkojë një tjetër emër për bankinën.
Albert Bunjaki është thuajse i shkarkuar pas vendit të fundit në grup dhe konfliktit me sulmuesin Besart Berisha dhe tani kandidatura e re për bankinën është Safet Sushiq.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIsh-përzgjedhësi i Bosnje Hercegovinës ka marrë ofertë nga kreu i Federatës së Futbollit të Kosovës, Fadil Vokrri për të drejtuar përfaqësuesen shqipfolëse. Përgjigjja e legjendës së futbollit boshnjak ka qenë pozitive, por problemi qëndron te kërkesa e lartë e tij për pagën, që tejkalon buxhetin e një federate modeste si ajo e Kosovës, raporton tch.
Kjo ka bërë që bisedimet e FFK-së me trajnerin boshnjak të ndërpriten momentalisht. Safet Sushiq ka drejtuar Bosnje Hercegovinën për pesë vite, nga 2009-2014 dhe ka arritur rezultate shumë të mira. 62-vjeçari ka një karrierë të pasur si trajner, duke punuar më shumë në skuadra turke dhe franceze.
Si futbollist, ai ka qenë pjesë e Jugosllavisë e më pas Bosnjës, ndërsa është aktivizuar dhe me ekipe të njohura si Paris Saint Germain.