Ministria e Kulturës, Rinisë dhe Sportit ka ndarë 230 mijë euro për Komitetin Olimpik të Kosovës, me një memorandum bashkëpunimi të nënshkruar sot.
Këto mjete KOK-ut i janë ndarë për të realizuar objektivat dhe synimet për sivjet. Kjo shumë do të paguhet në katër pjesë brenda këtij viti.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoObligim i KOK-ut është që këtë buxhet ta shfrytëzojë për zhvillimin e politikave programore në fusha si: avancimin i sportit femëror, mjekësi sportive, aktivitete sportive ndërkombëtare brenda dhe jashtë vendit, për zhvillimin e aktiviteteve sportive për komunitetet pakicë dhe multietnike, aktiviteteve sportive për personat me aftësi të kufizuara dhe për zhvillimin e kapaciteteve menaxhuese në kuadër të Komitetit Olimpik të Kosovës dhe federatave të sportit.
Shuma e ndarë për KOK-un nga MKRS-ja do të jetë në funksion të ngritjes së cilësisë së sportit në vend, masivizimit të tij, ngritjes së kapaciteteve profesionale në fushën e sportit dhe pjesëmarrje konkurruese të sportistëve dhe ekipeve tona në garat vendore dhe ndërkombëtare.
