Khabib Nurmagomedov dhe Justin Gaethje do të përballen në një nga ngjarjet e para të UFC-së që zhvillohen këtë verë në ishull. Këtë e ka konfirmuar presidenti i UFC-së, Dana Whyte.
White ka konfirmuar se po e planifikon luftën unifikuese për tituj derisa ka folur për ESPN.
“Pres që lufta Khabib – Gaethje të ndodhë këtë verë. Nuk e di nëse do të jetë e para, por do të jetë në Ishullin e Luftërave, pos nëse bota të mënyrë përrallore kthehet në normalitet së shpejti, më shpejtë se që unë pres”, ka thënë udhëheqësi i UFC-së, serisë kryesore të Arteve Marciale të Përziera.
Nuk është përmendur ndonjë datë, por dy luftëtarët e famshëm do të përballen në kafaz kur të jenë të gatshëm për të garuar sërish.
Gaethje është bërë kampion i përkohshëm i UFC-së në kategorinë e lehtë në fundjavë, me fitoren impresive ndaj Tony Ferguson. Superylli Khabib Nurmagomedov që mbanë titullin në këtë kategori, nuk pritet të kthehet shumë shpejtë. Ai po e agjëron muajin e Ramazanit, ka shkruar Daily Mail. Khabibi po stërvitet, por jo në mënyrën e kërkuar që të kthehet menjëherë.
Ishulli i Luftërave po merr formë, ndërsa është ideja e White për të organizuar ngjarjet ndërkohë që bota po përballet me pandeminë e koronavirusit. Në fundjavë është mbajtur një ngjarje e suksesshme e UFC-së në SHBA, ndonëse pa praninë e shikuesve.
Edhe
Khabibi nuk tërhiqet, përballet me Gaethjen këtë vit
Luftërat në ishullin ende të panjohur pritet të fillojnë në qershor.
“Jam shumë i entuziazmuar për luftën e Gaethje kundër Khabibit. Në aspektin e stileve është luftë e madhe. Unë po shikoj përpara drejt kësaj përballje”, ka thënë White.
