Skuadra e basketbollit Vëllaznimi është kompletuar sa i takon lojtarëve të huaj për edicionin e ri. Jordan Harris është përforcimi i pestë dhe i fundit për Vëllaznimin, ekip që këtë sezon është kthyer në Superligë. Ekipi nga Gjakova e ka prezantuar Harrisin të martën.
Fundori së fundmi ka luajtur në kolegjin “Grand Valley” në SHBA dhe ka pasur një mesatare prej 10.7 pikëve, 2.3 kërcimeve e 4.1 asistimeve për ndeshje.
Para Harrisit, KB Vëllaznimi është forcuar edhe me Jordan Notch, Damonte Dodd, Will Brown e Preston Knowles. Në krye të ekipit do të jetë trajneri nga Kroacia, Franko Sterle.
Artikuj të ngjashëm