KB Rahoveci ka gjetur zëvendësuesin e Bujar Locit.
Klubi ka konfirmuar se drejtimin e skuadrës do ta marrë trajneri kroat, Neven Plantak, transmeton Koha.net.
“KB Rahoveci ka kënaqësinë të njoftojë arritjen e marrëveshjes me trajnerin e njohur nga Kroacia, Neven Plantak, i cili do të drejtojë skuadrën tonë gjatë edicionit të ardhshëm”, thuhet në konfirmimin e KB Rahovecit.
Plantak ka nënshkruar kontratë një vjeçare me Rahovecin dhe gjatë muajit gusht pritet të arrijë në Kosovë, kohën kur edhe fillojnë përgatitjet për Rahovecin për një vit intensiv që e pret përpara, si në Superligë por edhe në gara ndërkombëtare.
“Plantak vjen në një moment kyç e historik për Rahovecin, derisa përvoja e tij do të shërbejë shumë në rezultatet e skuadrës sonë. Trajneri kroat nuk është emër i panjohur për basketbollin, jo vetëm në Kosovë por edhe më gjerë, ai ka qenë edhe trajneri i Trepçës, pastaj i skuadrës së njohur kroate Zadar dhe së fundmi në Vllaznisë së Shkodrës”, thuhet në konfirmimin e KB Rahovecit.