Rutina ditore e kajakistit japonez Kazuki Yazawa përfshin daljen nga puna në orën 15:00, vozitjen me furgon deri në lumin Saigawa dhe ndërrimin e rrobave të zeza me rroba uji.
Kur nuk stërvit në lumenj, Yazawa është një prift budist, shkruan sot Koha Ditore.
Yazawa 29-vjeçar është inspiruar të merret me kajak, pasi e pa babanë e tij duke u marrë me kajak në një lum lokal dhe ai i vendosi vetes synimet që të arrijë në Lojërat Olimpike. Është një ëndërr që e kishte dhe e arriti edhe motra e tij Aki, që garoi në Lojërat Olimpike në kanotazh, në disiplinën sllallom.
Yazawa thotë se gjakftohtësia e sportit i përshtatet atij.
"Kur jam në ujë në kajakun tim, ndihem i sigurt, ndihem se mund të jem vetvetja", thotë ai.
Ai po ashtu shijon sfidën në ambient të hapur: "Pjesa argëtuese janë rrymat e forta, të duket sikur po vozit në një tobogan të natyrës".
(Artikullin e plotë mund ta lexoni në numrin e sotëm të Kohës Ditore)
