Mesfushori Pajtim Kasami ka shënuar gol për fitoren 2:1 të Baselit ndaj Luganos. Ndeshja e së dielës i takoi xhiros së fundit (36) të elitës zvicerane.
Golin e fitores Kasami e shënoi në minutën e 71-të. Baseli është nënkampion i Zvicrës me 62 pikë.
Titullin e ka fituar Zuerichu me 76 pikë. Ndërkohë i treti mbeti Young Boysi me 60 pikë.
Zuerichu në xhiron e fundit u mposht 3:2 nga Luzerni. Ardon Jashari asistoi në golin e parë të Luzernit.
Nga elita është larguar Lausanne, ndërsa Luzerni mbeti i parafundit dhe luan në barazh. Në elitë është inkuadruar Winterthuri. Winterthuri me shumë shqiptarë në përbërje, kthehet në elitë pas 37 vjetësh.
