Mesfushori i Italisë, Jorginho, ka vlerësuar lart personalitetin e Granit Xhakës. Ai në një intervistë për “Bein Sports” ka theksuar se ka lënë anash telashet që ka pasur me Xhakën në të kaluarën kur ai ishte pjesë e Chelseat.
Xhaka dhe Jorginho janë përshtatur mirë në mesfushën e Arsenalit.
“Jam i lumtur që e kam shok skuadre. Ne kishim disa zënka në fushë më parë, por jashtë fushës ai është një djalë shumë i mirë dhe ne kemi shumë për të qeshur tani. E pyeta se ku mund të shkoja për darkë, ai rezervoi dhe nuk më la të paguaja. I jam falënderues”, ka thënë Jorginho.
Mesfushori 31-vjeçar iu bashkua Arsenalit në momentet e fundit të afatit kalimtar të janarit. Me Arsenalin ka kontratë deri në verën e vitit 2024.
