Anëtari i ri i Real Sociedadit, Adnan Januzaj, përmes një postimi në Facebook është përshëndetur me ish-skuadrën e tij, Manchester United.
Sot Januzaj u largua nga Unitedi për t’iu bashkuar Sociedadit në Spanjë, në një transferim prej 11 milionë eurosh.
22-vjeçari ka falënderuar të gjithë te klubi i “Djajve të Kuq” për gjithçka që kanë bërë dhe ka thënë se nuk do të harrojë kurrë momentet që ka kaluar te klubi prestigjioz anglez.
Ky është postimi i tij i plotë:
Nga t’ia nisi... Kam pasur momente të jashtëzakonshme me Manchester Unitedin që prej se i jam bashkuar. Dua të them faleminderit për të gjithë bashkëlojtarët që erdhën dhe që ikën nga klubi. Ka qenë kënaqësi të luaj me të gjithë juve. Faleminderit për disa nga trajnerët dhe stafin që punon te Manchester Unitedi për ta bërë klub të mrekullueshëm!
Fatkeqësisht, koha ime në klub ka ardhur te fundi dhe nuk shkoi siç doja unë, por gjithmonë do të kem dashuri për Manchester Unitedin.
Dhe në fund, faleminderit juve të fansave që ishit me mua në kohë të mira e të këqija! Nuk do të harroj kurrë përkrahjen pozitive. Faleminderit.