Lebron James ka udhëhequr skuadrën Los Angeles Laker drejt fitores ndaj Golden State Warriors, të dielën. James shënoi 56 pikë në triumfin me rezultatin 124:116, i cili i dha fund serisë së LA Lakersave prej katër humbjeve rresht.
Për Jamesin, kjo ishte paraqitja e tij më e mirë këtë sezon ndërsa hera e 13-të në karrierë që shënon mbi 50 pikë. Më së shumti pikë në karrierë, James ka shënuar në vitin 2014 ndaj Charlotte Hornets por ishte pjesë e skuadrës Miami Heat. “Aktualisht, nuk më intereson fare që i kam shënuar 56 pikë. Thjeshtë, jam i lumtur që jemi kthyer te fitorja”, ka thënë James. Te Golden State, më i dalluari ishte Stehphen Curry. Curry ndeshjen e mbylli me 30 pikë, por nuk arriti ta ndalë ekipin e tij që ta regjistrojë humbjen e katërt rresht. Me këtë humbje, Golden State bie në pozitën e tretë të Konferencës Perëndimore për herë të parë këtë sezon në NBA.
