Interi raportohet se po dëshiron të ngutë transferimin e Christian Eriksenit nga Tottenhami gjatë afatit kalimtar të janarit.
Sipas “DailyMail”, klubi italian po shpreson të transferojë mesfushorin danez në fundjavën e ardhshme.
Londinezët deri tash kanë refuzuar ofertën prej 15 milionë funteve, por tani pasi Interi ka mbetur prapa në garën me Juventusin për kreun e tabelës, klubi po synon të ngutë transferimin për ta pasur lojtarin në dispozicion qysh në javën e ardhshme.
