Një hetim ka filluar për pretendimet për kurdisje të një meçi në Grand Samin “French Open”.
Prokuroria e Parisit ka njoftuar se po hetohet një meç i rrethi të parë të “Grand Slamit” në konkurrencën e femrave në çifte, raporton BBC.
Zyrtarët thonë se hetimet kanë nisur më 1 tetor, pas dyshimeve për mashtrim të organizuar dhe korrupsion në sporte.
Një burim i afërt me hetimin ka thënë se po bëhet fjalë për përballjen Andreea Mitu/Patricia Maria Tig me Yana Sizikova/Madison Brengle.
Dyshja ruso-amerikane Sizikova – Brengle humbi përballjen me 7:6 dhe 6:4 nga rumunet Mitu e Tig.
