Mesfushori spanjoll Ander Herrera do të prezantohet te PSG-ja, në fillim të javës së ardhshme.
Lajmi është bërë i ditur të premten nga e përditshmja franceze "L'Equipe". Herrera këtë vikend do t'i kryejë kontrollimet mjekësore përpara se të firmosë kontratën dhe të prezantohet, transmeton Koha Ditore.
Ai te PSG-ja do të transferohet si lojtar i lirë dhe do të firmosë për katër vjet.
Mesfushori 29-vjeçar, edicionin e fundit ishte pjesë e Manchester Unitedit dhe shënoi tre gola dhe dha tri asistime në 28 ndeshje.
Te Manchesteri është transferuar në vitin 2014 nga Athletic Bilbao dhe ka refuzuar rinovimin e kontratës për të vazhduar karrierën te PSG-ja.
Artikuj të ngjashëm