Ugne Smitaite besonte gjithnjë se një ditë do të bëhej futbolliste profesioniste. Dhe, ajo sot e llogarit veten si të tillë. Por kjo dëshirë e lituanes së Hajvalisë ka mundur të mbetej vetëm një ëndërr nëse do ta dëgjonte familjen e saj, e posaçërisht nënën, që preferonte një profesion tjetër për të bijën.
"Ka pasur edhe rebelim nga ana ime, pasi nuk e dëgjoja nënën dhe vazhdoja me stërvitje", tregon Smitaite në një bisedë për gazetën.
Mbrojtësja e skuadrës kampione të Kosovës, Hajvalisë, insiston se ka bërë mirë që nuk e ka dëgjuar nënën. Tregon se sot edhe nëna e saj mburret me karrierën e saj dhe është përkrahësja më e madhe.
"Kisha pengesa, por nuk u dorëzova, pasi kisha dëshirë të madhe për këtë sport dhe e zgjodha para profesionit të aktores, këngëtares apo valltares", ka shtuar ajo. "Prekjet e para të topit kanë ardhur në oborre, ku ne vajzat luanim së bashku me djemtë e lagjes. Edhe stërvitjet e para në futboll i zhvilloja me djem"... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.