Sulmuesi i Norvegjisë, Erling Haaland, do të mungojë në ndeshjen e fundit kualifikuese për “Euro 2024” të dielën kundër Skocisë, ka shkruar Federata e Futbollit e Norvegjisë të shtunën.
Sulmuesi i Manchester Cityt ka marrë lëndim në këmbë të enjten në miqësoren ndaj Ishujve Faroe.
Skocia dhe Spanja janë kualifikuar në Evropianin 2024, ndërsa Norvegjia është e treta në grup, me mundësi avancimi tutje nëpërmjet plejofit.
Federata norvegjeze ka shkruar po ashtu se lëndimi i Haalandit nuk është serioz.
Haalandi ka 27 gola në 29 paraqitje për Norvegjinë.
