Përfaqësuesja e Kosovës U-16, në basketboll në konkurrencën e femrave ka mbajtur grumbullimin e parë për përgatitjet për Kampionatin Evropian U16.
Por në tubimin e parë, përzgjedhësi Muhamed Thaçi nuk ishte i pranishëm për shkak të angazhimeve të tij.
Kështu stërvitjen e parë e ka mbajtur ndihmës-trajnerja Kimete Haliti që në grumbullimin e parë ka shfaqur optimizëm para kampionatin evropian, raporton KTV.
E bindur në suksese është shprehur edhe Agnesa Rrahmani basketbolliste e Kastriotit, e ftuar për këtë grumbullim.
Në këtë grumbullim përkundër se ishte paralajmëruar se do të ketë lojtare të cilat aktivizohen jashtë Kosovës, ato nuk ishin prezente.
Edhe
Kosova U16 vetëm e gjashta në Evropianin C me tetë përfaqësuese
Duhet theksuar se Kosova U-16 do të marrë pjesë në Kampionatin Evropian U-16, Divizioni C, që do të mbahet në Gjibraltar prej 25 deri më 30 korrik 2017.
Kosova do të bëjë gara në grup me Gjeorgjinë dhe Maltën.
