Serge Gnabry dhe Robert Lewandowski kanë shkëlqyer në fitoren e thellë të Bayern Munichit në udhëtim te Stuttgarti me rezultatin 5:0. Kjo ndeshje i takoi javës së 16-të të Bundesligës gjermane dhe u zhvillua të martën mbrëma.
Gnabry shënoi tre gola dhe asistoi dy herë. Ai asistoi për golat që i shënoi Lewandowski.
Epërsinë Bayerni e gjeti në minutën e 40-të. Gnabry shënoi pas asistimit të Leroy Sanes.
Bayerni shpërtheu në pjesën e dytë duke shënuar edhe katër gola të tjerë.
Për 2:0 shënoi sërish Gnabry (53’). Golin e tretë dhe të katërt i realizoi Lewandowski (69’, 72’). Ndërkaq, hat-trickun Gnabry e kompletoi në minutën e 74-t, për triumfin e thellë si mysafir, 5:0.
Kjo ishte fitorja e 13-të kampionale e bavarezëve dhe me 40 pikë e kanë rritur distancën në vendin e parë. Tani kanë nëntë pikë më shumë se Dortmundi që zë vendin e dytë.
Dortmundi ka një ndeshje më pak të luajtur.