Atletja shqiptare, Luiza Gega, ka shkëlqyer të premten mbrëma në Lojërat Mesdhetare në Oran të Algjerisë.
Reprezentuesja e Shqipërisë ka fituar medaljen e artë në vrapimin 3000 metra me pengesa.
Gega e përfundoi vrapimin për 9:14.29 minuta. Është rezultati i saj më i mirë deri më tani dhe rekord i Shqipërisë. Medaljen e argjendtë e ka fituar Marwa Bouzayani e Tunizisë me kohë prej 9:29.11 minuta. Ndërkohë medaljen e bronztë e fitoi Ikram Ouaaziz e Marokut me kohë 9:32.87 minuta.
Tani Shqipëria i ka tri medalje në Lojërat Mesdhetare. Një të artë e një të bronztë i kanë fituar mundësit e natyralizuar nga Çeçenia.
