Pas Bayernit, Real Madridit e Tottenhamit, edhe skuadra e Interit është futur në garë për shërbimet e mesfushorit gjerman Matthias Ginter.
Bëhet e ditur se Interi tashmë ka nisur negociatat me futbollistin, i cili ka paralajmëruar largimin nga Borussia Moenchengladbachu në fund të këtij sezoni. 27-vjeçari ka refuzuar rinovimin e kontratës me ekipin gjerman që i skadon verën tjetër dhe Interi po synon ta transferojë si lojtar të lirë.
Ginter është reprezentues i Gjermanisë dhe këtë edicion ka katër paraqitje për Gladbachun, ekip të cilit iu bashkua nga Borussia Dortmundi në vitin 2017. Ai ka luajtur në Bundesligë edhe për skuadrën e Freiburgut.
