Futbollistet e Barcelonës e kanë mbyllur një stinor perfekt në elitën e futbollit të Spanjës. I kanë shënuar 30 fitore nga 30 ndeshje, duke mbledhur në total 90 pikë e duke shënuar 159 gola dhe pranuar vetëm 11 sosh.
Barcelona në xhiron e fundit të dielën mposhti Atletico Madridin me rezultatin 2:1.
Irene Paredes (11’) dhe Aitana Bonmati (23’) shënuan për Barcelonën, ndërsa Amanda Sampedro (64’) për Atleticon.
Barcelona e ka përfunduar stinorin me 24 pikë më tepër se Real Sociedadi që ka dal i dyti.
Real Madridi, ku luan Kosovare Asllani, ka përfunduar në vend të tretë me 60 pikë.
Edhe
“Manita” e Barcelonës ndaj Real Madridit
Futbollistet e Barcelonës gjenden edhe në finale të Ligës së Kampionëve, ku më 21 maj do të përballen me Lyonin në Torino. Ndërsa janë në garë edhe në Kupën e Spanjës. Gjenden në gjysmëfinale, ndërsa përballë do ta kenë Real Madridin.
