Tyson Fury do të mbrojë titullin e tij të kategorisë së rëndë në WBC përpara një turme rekorde të boksit britanik prej 94,000 vetash në “Wembley Stadium” të shtunën, ndërsa Dillian Whyte më në fund ka rastin të bëhet kampion bote. Fury pretendon se lufta e tij e parë në vendlindje që nga viti 2018 do të jetë e fundit para daljes në pension. Ka pasur sugjerime që Fury do të përpiqej të unifikonte kategorinë e peshave të rënda kundër fituesit të një revanshi midis Oleksandr Usykut dhe Anthony Joshuas. Por 33-vjeçari dëshiron të tërhiqet me stil, me një mbrojtje të suksesshme të titullit kundër Whytet.
“Unë jam dy herë kampion i padiskutueshëm, 150 milionë në bankë dhe nuk kam asgjë për t'i dëshmuar askujt”, tha Fury kur premtoi se do të “tërhiqej plotësisht pas meçit”.
Fury është favorit i fortë për të rritur rekordin e tij, si i pamposhtur në 33 meçe, por boksieri britanik tha se bashkatdhetari i tij dhe ish-partneri i tij meriton respekt të madh.
“Ai është një luftëtar i mirë”, tha Fury në konferencën për shtyp. "Një burrë i mirë, i fortë. Ai ka një grusht të fortë me fuqi dhe ai ka nokautuar shumë burra. Ai është padyshim një njeri që ka nevojë për shumë respekt dhe kjo është ajo që i kam dhënë nga kampi im stërvitor. Unë jam stërvitur aq fort për Dillianin sikurse që jam përgatitur për Wilderin e Klitschkon. I shoh shanset dhe qesh pak sepse ato vijnë nga njerëz që nuk dinë asgjë për boksin. Ky është boksi i kategorisë së rëndë. Çdokush mund të fitojë me një grusht. Nëse nuk jam në formën time, ky djalë do të më rrëzojë kokën nga supet”.
Java e luftës së Furyt është shoqëruar me pyetje mbi lidhjet e tij me bosin e dyshuar të krimit Daniel Kinahan. Fury ka përmendur më parë Kinahanin, i cili së fundmi u godit me sanksione financiare në mbarë botën nga Qeveria amerikane, si një “këshilltar kyç”. Kinahan me qendër në Dubai, i cili gjithmonë ka mohuar çdo gjë ilegale, dyshohet se është një nga drejtuesit e një karteli që autoritetet amerikane e akuzojnë për kontrabandë droge, pastrim parash dhe dhunë. “MTK Global”, kompania e boksit e themeluar nga Kinahan, njoftoi këtë javë se po pushon së funksionuari.
“A ka qenë një shpërqendrim? Jo në të vërtetë”, tha Fury kur u pyet për marrëdhënien e tij aktuale me Kinahanin. “Nuk ka të bëjë me mua, apo jo?”.
Whyte, i cili mburret me një rekord 28-2, ka shumë për të dëshmuar pasi u ndje padrejtësisht i nënçmuar nga Fury kur ai luftoi tri herë me Wilderin. 34-vjeçari është gjithashtu i pakënaqur me ndarjen 80-20 në favor të Furyt për një fitim në total prej 30 milionë funtesh. Whyte, i lindur në Xhamajka, u shpërngul në Mbretërinë e Bashkuar me familjen e tij kur ishte 12 vjeç, një vit më vonë dhe u qëllua dhe u godit me thikë pasi u tërhoq në kulturën e bandave në Londër gjatë rinisë së tij.
Edhe
Tyson Fury kthehet për herë të pestë nga pensionimi, bokson të shtunën
“Nëse nuk do të isha boksier, ndoshta do të isha i vdekur ose në burg”, tha ai.
Tani, Whyte beson se mund të jetë njeriu që më në fund do ta mposhtë Furyn.
“Kjo është gjëja më e mirë për mua. Unë do të gjej një mënyrë për të mbijetuar, do të gjej një mënyrë për të arritur atje ku duhet të shkoj”, tha Whyte. “Unë ende besoj se kushdo që preket në kokë ose në trup mund të rrëzohet”.
