Me golin e minutës së tetë të shënuar nga Granit Musa, Feronikeli 74 ka shënuar fitore ndaj Fushë Kosovës.
Ndeshja u zhvillua në stadiumin “Sami Kelmendi” në Lipjan, dhe i takoi xhiros së 18-të të Superligës.
Në pjesën e dytë, saktësisht në minutën e 57-të, Fushë Kosova barazoi rezultatin me autogolin e Florent Avdylit, por goli u anulua pas rishikimit të situatës në VAR, pasi topin në rrjetë me dorë e shtyu mesfushori Osman Mëziu.
Feronikeli 74 ka grumbulluar 21 pikë në 18 ndeshje të luajtura. Fushë Kosova ka 10 pikë në pozitën e parafundit në 18 ndeshje.
