Elmedin Rama ka shënuar pesë gola për ekipin e dytë të Slavia Pragës të shtunën, në fitoren 9:0 në miqësoren ndaj Zbrojovka Brnos, e cila bën gara në kategorinë e dytë të futbollit çek.
Rama u transferua te Slavia gjatë verës pas paraqitjeve fantastike me skuadrën e Trepçës.
Qendërsulmuesi 18-vjeçar ende s’ka shënuar gol zyrtar me fanellën e ekipit B të Slavia Pragës, me të cilën numëron katër paraqitje.
Por pesë golat në miqësoren ndaj Brnos janë dëshmi e potencialit që ka sulmuesi nga Mitrovica, i cili në të ardhmen pritet të jetë pjesë e skuadrës seniore të gjigantit çek.
Rama ka kontratë trevjeçare me Slavia Pragën.
Edhe
Elmedin Rama kalon te skuadra çeke Pardubice
Ai është pjesë e Kosovës U19.
Slavia Praga B është në rrugë të mirë për t’u ngjitur në kategorinë e dytë çeke.
