Në më pak se një vit pasi ish-ylli i Brazilit, Ronaldo, u përfshi në klub, Cruzeiro arriti që të inkuadrohet në elitën e futbollit brazilian.
Cruzeiro përfundoi në top katërshen e rangut të dytë të futbollit të Brazilit të mërkurën, pasi mposhti Vasco da Gaman 3:0 në stadiumin “Mineirao”.
Të katër ekipet e para inkuadrohen në elitën e futbollit brazilian për sezonin tjetër.
Cruzeiro ra nga Serie A e Brazilit në vitin 2019.
Ky klub ka katër tituj të fituar, por pas borxheve prej 200 milionë dollarëve, skuadra pësoi rënie të madhe.
Mediat lokale kanë raportuar më herët se Ronaldo brazilian ka blerë 90% të aksioneve për rreth 78 milionë dollarë.
Ronaldo po ashtu është aksionar edhe te klubi spanjoll Valladolid, që po ashtu u inkuadrua në La Ligën spanjolle.
