Edicioni aktual përfundon në gusht, i riu nis në shtator

Asociacioni i Klubeve Evropiane (ECA) ka arritur marrëveshje me UEFA-n për të përfunduar edicionin në muajin gusht.

Kështu të paktën ka raportuar të hënën radioja spanjolle, Cadena Ser.

Është raportuar që ligat nacionale evropiane do të përfundojnë para garave të UEFA-s për klube.

Ndeshjet do të luhen pa shikues në stadiume, ndërsa nuk përjashtohet mundësia që për Ligën e Kampionëve dhe Ligën e Evropës ndeshjet të luhen në terren neutral. Një mundësi tjetër është që në vend të dy ndeshjeve në mes skuadrave të luhet nga një ndeshje.

Nëse plani për të përfunduar edicionin 2019\2020 në fillim të gushtit realizohet, atëherë edicioni 2020\2021 do të fillonte që në shtator.

Në Gjermani skuadrat tashmë kanë nisur me stërvitje, por në grupe të vogla lojtarësh, raporton Koha.net. Synimi është që Bundesliga të vazhdojë në muajin maj. Ligat tjera të mëdha evropiane nuk kanë ndonjë datë se kur mund të vazhdojnë edicionin.