Mbrojtësi i krahut të majtë, Riza Durmishi, është përfshirë në ekipin e zgjeruar të Danimarkës për botërorin e futbollit “Rusia 2018”.
Përzgjedhësi i Danimarkës, Age Hareide, të hënën ka publikuar listën me emrat e 35 futbollistëve që do të merren parasysh për ekipin që do të përfaqësojë Danimarkën në botëror.
Ekipi final prej 23 futbollistëve do të publikohet më 4 qershor.
Durmishi luan për Real Betisin në La Liga të Spanjës.
24-vjeçari këtë edicion ka dy gola e tri asistime në 23 paraqitje kampionale.
Ka kompletuar tri ndeshjet e fundit pasi në pesë të kaluarat kishte mbetur në stol.
Durmishi për Danimarkën i ka luajtur 23 ndeshje deri më tani dhe vlerësohet me gjasa të mëdha që të përzgjidhet për botëror.
Ka luajtur për të gjitha grupmoshat e reja të Danimarkës, ndërsa në përfaqësuesen A debutoi në qershor të vitit 2015.
Danimarka është në Grupin C të botërorit së bashku me Francën, Australinë e Perunë.