Drita e Gjilanit është kampione e Kosovës për edicionin 2019/2020, ndërsa e ka mbyllur në vend të parë stinorin vjeshtor të edicionit 2020/2021 në Superligën e futbollit.
Krahas dominimit në Superligë, Drita pati rezultate të mira edhe në skenën evropiane.
Në Ligën e Kampionëve, në gjysmëfinale të raundit parakualifikues, skuadra gjilanase fitoi 2:1 ndaj Inter d’Escalades të Andorrës. Finalen e raundin parakualifikues e humbi me rezultat zyrtar për shkak të rasteve me COVID-19. Garën e vazhdoi në Ligën e Evropës.
Në raundin e dytë kualifikues të Ligës së Evropës e mposhti Sileksin maqedonas. Në raundin e tretë kualifikues pësoi nga Legia e Varshavës. Kalimi në raundin e tretë ishte historik për klubet e Kosovës.
KOHA e shpall Dritën klubin më të mirë të vitit 2020 në konkurrencë të meshkujve.
“Faleminderit shumë për vlerësimin profesional të Grupit KOHA. Ishte një vit i mrekullueshëm gjatë pandemisë. Më meritorët për këtë sukses normalisht që janë lojtarët dhe gjithë stafi i Dritës. Shpresojmë që në vitin e ardhshëm të jemi edhe më të fortë. Faleminderit shumë”, ka thënë zyrtari i klubit Drita, Ilaz Shkodra.
Edhe
Drita, klubi më i mirë i vitit
Drita, ditë më parë, u shpall edhe klubi më i mirë i vitit nga Federata e Futbollit e Kosovës.
