Douglas Costa do të kthehet te Bayern Muencheni në formë huazimi nga Juventusi, raporton “Sky Sport Italia”. Kështu do të hapet rruga për transferimin e Federico Chiesas te Juventusi.
Costa do të huazohet te Bayerni, por klubi gjerman nuk do të ketë obligim për blerjen e tij. Bayerni do ta mbulojë pagën e Costas dhe do t’i jap Juventusit një shumë për huazimin e tij.
Ndërkohë Chiesa do të arrijë nga Fiorentina te Juventusi në formë huazimi. Juventusi do të paguajë 10 milionë për huazimin e tij, por do ta ketë obligimin për blerje për 50 milionë euro.
